سلام الله عليكم ياربعاً عندنا حاضرين
يا اهل القلوب الصافيه يا الطيبين
ليت الزمان الماضي يعود بالراحلين
اهل النقى والوفى أحبابنا الاولين
اقفى زماني بغالياً يعرف من بين الطيبين
شيخاً بوقت الضيق دايماً بفعله يبين
يسهل صعيبات الامور ويحلها ويعين
يُذكر بالجزيله وبفعل الطيب اللي يزين
ياكم وقف للفقارى واليتامى والمساكين
ويا كم يسر له اموراً تخدم المسلمين
بصمته بالتعليم خمس بعد الثلاثين
راعي البصمه الناجحه بكل حين
خدم ربعه وناسه وديرته والمسلمين
ولا يتكل وحاجته يتابعها إلين تزين
تلقاه في صف المراجل وفي صف اهل الدين
رجلً ماتلقى مثل مراجله لا واحد ولا ثنين
يمد لك حبل الكرم والوفى بالكف اليمين
ولا يخيب ظن من حداه وقته الشين
وللرفيق الطّيب مجمّل وفزاع وعوين
يصون خوة رفيقه مثل الذهب الثمين
طيبه ماهو محدد للرفاقه ولا الغالين
رجلً تميز بالعطى من ماضيات السنين
يعين المحتاج الي اوضاعه عيت لا تزين
ماهو من حاجه ، يبي جنة خالق الخالقين
راعي النيه الطيبه مايخلف ظنه في الاخرين
ولا يسيئ الظن في الناس اجمعين
تعرفه كل الشيوخ مضرب مثل للطيبين
سمعته عند العرب نوماس في كل حين
رجلا ماتهمه هرجت الهلايم وهرجت الحادقين
اهل النمايم والوجيه البغيضه والحاسدين
مجلسه مشرعاً بابه للضيوف وللطيبين
مفتوح بابه بكل وقت وكل حين
يكرم ضيفه وتشهد له الايام والسنين
ماهوب من عادته عوايد البخيلين
لا من نصاه المحتاج لبا له يعين
يبرز بوقفته في المواقف ويبين
رزقه الله قبولا من جميع المسلمين
من فعل يمناه الي تفزع بالوقت وتعين
ماخاب من نصاه من ظروف ومن دين
ولا من صواديف الدنيا والليالي والسنين
افخر بوقفاته من تالي الزمان والحين
واتنومس ليا جابوا طاريه الطيبين
تبطي بطون النساء تجيب مثله ثنين
نادر بفعله الي ينومس من تالي وحين
ولايهون رجالا لجود والطيب كريمين
و كلن فيه من الطيب نصيبه يالغالين
لاشك حمدان هيبته هيبة السلاطين
ماتملّ كلامه ومنطوقه الحكمه والعقل الرزين
ياجعل فردوس الاعلى مقره يارب امين
الي مانسى حاجه الفقارى والمساكين
يارب سكنه فردوس الاعلى مع المؤمنين
في جناتك العالية الي مادخلها مشركين
والختام صلو على اشرف الانبياء والمرسلين
محمد رسول الله عليه افضل الصلاه الأمين
